ڈیرن سیمی ویسٹ انڈیز کے ہیڈ کوچ مقرر

ویسٹ انڈین کرکٹ بورڈ نے سابق کپتان اور آلراؤنڈر ڈیرن سیمی کو تمام فارمیٹس کا ہیڈ کوچ مقرر کردیاہے.سیمی ون ڈے اور ٹی ٹوئنٹی میں ویسٹ انڈیز ٹیم کی کوچنگ کررہے تھے تاہم اب وہ ٹیسٹ فارمیٹ میں بھی اپنی ٹیم کے ہیڈ کوچ ہوں گے۔ڈائریکٹر ویسٹ انڈیز کرکٹ کے مطابق سیمی یکم اپریل 2025 سے باضابطہ طور پر ٹیسٹ ٹیم کی ذمہ داریاں سنبھالیں گے اور وائٹ بال ٹیموں کی کوچنگ کے فرائض بھی جاری رکھیں گے۔واضح رہے کہ سیمی کی قیادت میں ویسٹ انڈیز نے 2 بار آئی سی سی ٹی 20 ورلڈ کپ کا سہرا اپنے سر سجایا ہے جبکہ انہیں 2023 میں وائٹ بال ٹیموں کا ہیڈ کوچ مقرر کیا گیا تھا۔