وزیراعظم شہباز شریف کی زیر صدارت ایس آئی ایف سی کی ایپکس کمیٹی کا اجلاس آج ہوگا۔
وزیر اعظم کی سربراہی میں ہونے والے اجلاس میں عسکری حکام، وفاقی وزراء اور صوبائی وزرائے اعلیٰ شریک ہوں گے۔
اجلاس میں اہم فیصلے متوقع ہیں جبکہ ایس آئی ایف سی کی ایگزیکٹو کمیٹی کے فیصلوں کی توثیق بھی ہو گی تاہم اجلاس میں ایس آئی ایف سی کی کارکردگی رپورٹ بھی پیش کی جائے گی۔
دوست ممالک کی پاکستان میں سرمایہ کاری اورسہولیات کے بارے میں بتایا جائے گا ۔۔ ایس آئی ایف سی کی ایپکس کمیٹی کے اجلاس میں اہم فیصلے متوقع ہیں۔ ذرائع کے مطابق نیشنل ایکشن پلان کے حوالے سے ایپکس کمیٹی کا اجلاس بھی بلانے کا فیصلہ کر لیا گیا۔
اجلاس میں ایس آئی ایف سی کے روڈ میپ پر پیش رفت کا جائزہ لیا جائے گا، ایپکس کمیٹی اجلاس میں ایس آئی ایف سی کے آئندہ کے اہداف بھی طے کیے جائیں گے۔
