کوئٹہ سے فیصل آباد آنے والی مسافر بس جب بارکھان کے علاقہ رڑکن پہنچی تو بزدل بلوچ شر پسند دہشتگردوں نے بس کو ویان سڑک پر روک لیا۔ اسلھہ کے بل پر تما م نہتے مسافروں کے شناختی کارڈ دیکھے اور پنجابیوں کو الگ کر کے بس سے بیچے اتار لیا اور بے رحمی سے فائرنگ کر کے شہید کر دیا۔
جاں بحق افراد کا تعلق پنجاب کے مختلف شہروں سے تھا۔
اسسٹنٹ کمشنر بارکھان خادم حسین کا کہنا ہے کہ بس کے 7 مسافروں کو اتار کر فائرنگ کرکے قتل کیا گیا۔
اسسٹنٹ کمشنر کے مطابق بس کوئٹہ سے فیصل آباد جارہی تھی، لیویز اور ایف سی نے علاقے کو گھیرے میں لے لیا ہے۔ لاشوں کو رکھنی اسپتال منتقل کیا جارہا ہے ۔
بس کے مسافر ذیشان نے میڈیا سے گفتگو کرتے ہوئے بتایا کہ 10، 12 مسلح افراد نے بس کو روکا اور پھر 7 مسافروں کو فائرنگ کر کے قتل کر دیا۔
ذیشان نے بتایا کہ میرے بھائی عدنان کو بھی بس سے اتار کر قتل کیا گیا، بھائی کو شناختی کارڈ دیکھ کر بس سے اتارا گیا تھا۔
اس کے علاوہ متاثرہ خاندان کی مسافر خواتین نے بھی بتایا کہ ہم کوئٹہ سے فیصل آباد جارہے تھے ، ہمارے بھائی کا شناختی کارڈ دیکھا اور دھکے مارتے ہوئے بس سے اتارا گیا۔
