کراچی مدینہ کالونی میں راشن کی تقسیم کے دوران بھگدڑ مچنے سے ایک خاتون جاں بحق اور 3 زخمی ہو گئیں۔
آفس کا گیٹ کھلتے ہی بڑی تعداد میں خواتین اندر کی جانب بھاگیں، بھگدڑ کے باعث کچھ خواتین زمین پر گر پڑیں، خاتون کی لاش اور زخمیوں کو ہسپتال منتقل کردیا گیا۔
واقعہ کی اطلاع پر پولیس کی ٹیمیں بھی موقع پر پہنچ گئیں، پولیس نے واقعہ کی تحقیقات شروع کردی۔
ایدھی فاؤنڈیشن کے ترجمان نے ایک بیان میں کہا کہ متوفی کی عمر تقریبا 22 سال تھی اور اس کی شناخت فوری طور پر نہیں ہوسکی جب کہ زخمی ہونے والی ایک خاتون کی شناخت 35 سالہ گل ملک کے نام سے ہوئی دوسری زخمی خاتون سے متعلق معلومات نہیں مل سکیں۔
