جوڈیشل کمیشن کے اہم اجلاس میں لاہور ہائیکورٹ کے جج جسٹس علی باقر نجفی کو سپریم کورٹ کا جج بنانے کی منظوری دے دی گئی ہے۔ چیف جسٹس آف پاکستان یحییٰ آفریدی کی زیر صدارت ہونے والے اجلاس میں لاہور ہائیکورٹ کے پانچ سینئر ججز کے ناموں پر تفصیلی غور کیا گیا، جن میں جسٹس عالیہ نیلم، جسٹس شجاعت علی خان، جسٹس عابد عزیز شیخ، جسٹس علی باقر نجفی اور جسٹس صداقت حسین شامل تھے۔
اجلاس میں جسٹس علی باقر نجفی اور جسٹس صداقت حسین کے ناموں پر سنجیدگی سے غور کیا گیا اور بالاخر اکثریتی رائے سے جسٹس علی باقر نجفی کی نامزدگی کی منظوری دی گئی۔ اس کے علاوہ جسٹس (ر) شوکت عزیز صدیقی اور جسٹس (ر) شاکر اللہ جان کو جوڈیشل کمیشن کا ممبر تعینات کرنے کی بھی منظوری دی گئی۔
