بھارتی فنڈنگ اور حمایت سے پاکستان میں دہشتگردی پھیلانے میں فتنتہ الخوراج کا بڑا کردار ہے۔فتنتہ الخوراج کی جدید اسلحہ تک رسائی بھاری بھارتی فنڈنگ کا منہ بولتا ثبوت ہے ۔ذرائع کے مطابق بھارتی سرپرستی سے فتنتہ الخوراج کے ہاتھ اب ڈرون حملوں تک پہنچ چکے ہیں۔
فتنتہ الخوراج نے سوشل میڈیا پر ڈرون حملے کی ویڈیو جاری کر دی ۔خوارج کے ڈرون حملوں کا نشانہ معصوم بچے اور شہری بنتے ہیں جبکہ الزام پاک فوج پر لگا دیا جاتا ہے۔ ذرائع کا کہنا ہے کہ نئے ضم شدہ اضلاع میں فتنتہ الخوراج کے ڈرون مارٹر حملوں کا بیشتر نشانہ معصوم پختون عوام ہیں۔اس کی بنیادی وجہ فتنہ الخوارج کی ڈرونز کے استعمال سے ناواقفیت ہے۔فتنہ الخوارج کے ان ڈرون حملوں میں جاں بحق افراد کی لاشوں پر پاک فوج کیخلاف سوشل میڈیا کے ذریعے پراپیگنڈا کیا جاتا ہے۔
فتنہ الخوارج کے پاس جدید ٹیکنالوجی کا اسلحہ بھارتی خفیہ ایجنسی “را” کی سرپرستی کا واضح ثبوت ہے۔گرفتار دہشتگردوں سے بھی یہ انکشاف ہوچکا کہ انہیں بھارتی فنڈنگ اور افغان حکومت کی سہولت کاری حاصل ہے۔بھارت افغانستان کی غیر مستحکم صورتحال کا فائدہ اٹھاتے ہوئے پاکستان میں پراکسی وار جاری رکھے ہوئے ہے۔یہ حقائق واضح کرتے ہیں کہ ڈرون حملے پاک فوج نہیں بلکہ خود فتنہ الخوارج کر رہے ہیں۔ان ڈرون حملوں کیلئے فتنہ الخوارج کو بھارتی فنڈنگ اور افغان عبوری حکومت کی سہولت کاری حاصل ہے-
