ساف انڈر17فٹبال چیمپئن شپ 2025 کےلیے قومی ٹیم کا تربیتی کیمپ جاری ہے۔جناح اسپورٹس کمپلیکس اسلام آباد میں جاری تربیتی کیمپ میں کھلاڑی ہیڈ کوچ ناصر اسماعیل کی زیر نگرانی اپنی صلاحیتیں نکھارنے پر بھرپور توجہ دے رہے ہیں۔
ساف انڈر 17 چیمپین شپ 15 سے 27 ستمبر تک سری لنکا میں کھیلی جائے گی۔پاکستان کی ٹیم گروپ بی میں بھارت ، مالدیپ اور بھوٹان کے ساتھ ہے،قومی انڈر17ٹیم اپنا پہلا میچ 16ستمبر کو بھوٹان کے خلاف کھیلے گی، پاکستان اپنا دوسرا میچ 19ستمبر کو مالدیپ جبکہ آخری گروپ میچ بھارت کے خلاف 22 ستمبر کو کھیلے گا۔
