تھر ڈیزرٹ ٹرین چلانے کا اعلان، سفاری کا آغاز فروری میں متوقع

محکمہ سیاحت سندھ نے شہریوں کو خوشخبری کی نوید سنادی .سیاحت کیلئے کراچی سے ہفتہ وارتھر ڈیزرٹ ٹرین چلانے کا اعلان کردیا۔تفصیلات کے مطابق متعلقہ محکمہ نے وفاقی وزارت ریلوے کے ساتھ تھر ڈیزرٹ ٹرین کیلئے ابتدائی امور پر تبادلہ خیال کرلیا ہے،ڈیزرٹ ٹرین کراچی سے روانہ ہوکر حیدرآباد، میرپورخاص، چھور اور کھوکھرا پار تک جائے گی۔ٹرین سے مستفید ہونیوالے سیاح رات صحرائے تھر میں کیمپنگ کرینگے، 2 بزنس کلاس کوچز پر مشتمل سفاری ٹرین اتوار کو واپس کراچی پہنچے گی۔قوی امکان ہے کہ تھر ڈیزرٹ سفاری ٹرین فروری میں اپنا پہلا سفر کریگی۔